血拼兼團年飯日

25/1/2008 寒

話說星期五晚跟兩個Wilsons 去妹記食團年飯, 除了吃飯外, 當然不忘掃年貨啦。

當晚每人都有些少斬獲, Wilson 4 一馬當先在海港城展銷買了一件極抵極禦寒的Columbia, 才承惠HK$690, 沒有看錯喔, 我也沒有打漏了個千位數。正好啱佢响二月出門之用。如果家裡不是已有一件看門口的話說不定我也會乖乖進貢了, 而Wilson 5 亦只有望門興嘆的份兒。

買完後就輪到我去買返兩件skincare products。之後就去妹記食飯啦。(PS有關飯那一篇將會出自Wilson 5 手筆, 敬請留意。Wilson 5, 快d 做嘢咯!)

食完飯之後轉戰b(1+a), 第一站係嘉老威的一間, 人, 極多。Wilson 5之前睇中左條褲, 但當時比人試緊, 而Wilson 2 亦試了雙返工鞋, 在Final Sale 的情況下居然有我這個大腳八的碼, 但由於鞋踭有個位凹左, 買一對有缺陷的新鞋有違我原則。問問Sales 姐姐美麗華那間收幾點, 佢話十點, 雖則眼見已經十點, 都仍抱著”橫掂行過之嘛” 的心態去碰碰運氣。哈, 去到又真係仲未關門喎, 仲要Sales 哥哥話今晚收十一點, 好在頭先”把持得住”啫。於是又走去試鞋,這間人比較少, 同埋也沒有那麼亂,雖則仍然有大腳八的碼, 不過今次輪到鞋邊的皮摺了一下, 因此唯有放棄, 而Wilson 5 就買左一件外套同一條”佢恨左好耐的”西褲了。

在隔離間it走了一轉, 由於Wilson 5穿平底鞋的原故, 所以不停叫佢試, 仲要試到對紫色邊的白色鞋好靚好靚, 我跟Wilson 4比Sales還要賣力的遊說Wilson 5買,還幫她問有碼沒有,可惜斷碼,令咱們兩隻魔鬼未能"奸計得逞"....... (話說回來, 其實都唔算"奸計", 咁真係靚吖嘛!)

後記: 死心不息的Wilson 2 在星期六寒冷警告兼腳痛的情況下仍然走去市中心的b(1+a)。 Yeah, 終於比我買到啦, 仲買埋嗰日試嗰件著到好似著得唔好睇的冷衫( 哈哈, 我好”醒”咁著定絲襪衫同帶埋黑色褲去試, 試完又ok 好睇 (自戀中……) 所以咪買埋囉。呵呵呵……)

如果去Wilson 1 屋企嗰日唔凍的話就可以咁著嚕……

BTW, Wilson 1 比幾個可以去你屋企的時間大家夾下吖唔該。

歌神會客室

响有線睇咗好耐預告有呢段訪問~~又睇咗今日o既娛樂版~~今晚終於捕响電視面前比我睇到！睇完其實好多感慨~~

四大天王：呢個名稱响我哋成長o既年代一啲都唔陌生！原來張學友係23歲出道，已經唱咗23年~~今年46歲咯佢！好懷念呢個名稱有好多陪住我長大o既回憶！

新一代歌神：原來呢個名一開始係俞琤安比佢先，之後先咁多人講ga~~不過佢始終認為許冠傑先係始祖，佢係神經嗰個神(哈！)

羅記，小黑，亞梅，哥哥：响好短時間裡面先後過身o既佢哋，仲好似係冇耐之前o既事~~原來已經好幾年喇！仲記得當時同我前女boss一齊去咗哥哥o既喪禮，仲有幸企咗响第一排對佢躹躬，當時o既畫面同記憶依然瀝瀝在目！

May May：例牌梗要訪問下生命中最重要o既人啦~~尤其係當佢好憧憬同佢老婆到7-80歲都仲可以行沙灘就好開心，以為佢好浪漫啦！但佢話完全冇諗中間由4-50去到7-80條路點行喎~真好笑！

雖然個訪問只係cut剩得短短半個鐘頭，但係個腦已經不停出現好多畫面~~好多令人應該回憶o既片段湧現！多得呢啲回憶~~得閒諗返先會記起自己成長o既歲月！

超神奇的cleaning milk

得到小豬耳的推介，又上google 跟 yahoo 查了一些資料，今日急不及待去買了Clarins 的 cleaning milk 來用。

因為小豬耳在文章留言中已經格了價，所以一放工便立刻到新城市的莎x 買。因為擔心自己按摩的手法不對，所以買完了後也到了屈銀紙的專櫃問一下Clarins 獨有的「吸盤按摩」正確的手法。Clarins 專櫃的BA很好人，她做了手勢示範給我看，但說這只是一般洗面奶，有很強的清潔效果卻不能把鼻上的黑頭清除。

問完了BA就立即回家試用了。為隆重其事，我特地把網上找來的方法列印出來看了幾遍，以防手法有錯。起初還很擔心會失敗，但是原來其實很容易的，只需要有足夠的臂力就是了。

我用的手法跟小豬耳有點不同，我是照著網上找來的方法跟說明書上的圖示用弓起的手掌來拍打做「吸盤按摩」。拍打了三至四分鐘以後，就看到洗面奶漸漸成了油。然後就轉了搓揉的手法不斷的搓，過了三四分鐘以後小豬耳說的灰黃色東東就跑了出來，弄得整臉都是。然後不斷的搓揉大概多三四分鐘以後，就用化妝棉把污垢抹掉，然後照正常程序洗面。

雖然不斷的拍打令整個臉臉都紅了，但仍很清楚看到以往面頰及額頭上被阻塞的毛孔暢通了。洗臉時也有全新的感受。以往常常在廣告看到裡的女模特兒洗臉，面面滑得把水也能「跣」走，覺得很假不會有可能發生的。但是今天洗臉時真的有那種感覺，即使我用平常的洗臉膏洗了以後，滑溜的感覺仍在。面面也有前所未有的乾淨感覺啊！

當然啦，不是每天也有這種精神及力氣（很累的啊！）做這樣的深層清潔。而且在面面上大力搓揉每星期也最多只可以做一次（以我面面的麻煩程度，我會勤力地做兩次的！）。希望用多幾次以後，麻煩的瘡瘡會持續的改善！

能用到又平宜又好用的產品，感覺真的像尋到寶藏啊！

Original posted at here

團年飯

各Wilsons:

為左送舊迎新, 建議食餐勁來慶祝。

日期: 25/1/2008 晚

菜式: 大家都係响南中國海附近漂浮, 當然食返中菜啦。

地點: 妹記大牌檔 (本來都諗過食Wilson 3由此至終都未去過的鴻福, 但Wilson 4 同一個星期又會帶佢老爸去鴻福見識下, 一星期要佢打兩次邊爐實在講不過, 所以不如食妹記啦! Wilson 3,注定你同鴻福有緣無份咯.......)

有冇異議?????

麥提莎 - 邁飛佛

今日夜咗收工，心月來潮突然間好想食麥提莎，殊不知去到西鐵站唯一嗰間萬寧居然賣哂我最喜愛o既原味喎！谷鬼氣咪返歸囉！返到屋企個心又囉囉攣喎~~結果都係打比熊熊叫佢放學幫我買返嚟食~~呢啲唔知係咪女人o既特質呢？抑或係我先係咁呢？逢親想買嗰樣嘢或睇啱嗰樣嘢買唔到梗會囉囉攣o既！

講開麥提莎~~由細到大其實我都唔太好朱古力，但每逢個人攰攰地、丹丹地、或者偶然想食朱古力嗰陣都會諗起佢，試過新出品咩vanilla、dark chocolate、cappuccino，都覺得自己係原始人多啲，偶然食到佢心情都唔同啲ga~~（家陣仲邊打邊食緊添！yummy！）

垃圾Blog?

08年一開始敝Blog 就比人查封，原因係有垃圾Blog 嘅嫌疑…

何謂垃圾 blog？
Blogging 服務就和許多具備強大功能的工具一樣，可能被善加利用，卻也可能遭到濫用。 利用 Blogger
輕鬆建立並更新網頁已成為一種行為模式，稱之為連結垃圾郵件 。具有這種行為的 blog 稱為垃圾
blog，其特徵是通常具有不相關、重複性高或無意義的文字，同時還有指向同一網站的大量連結。
垃圾 blog 會造成許多問題，當您遇到垃圾 blog
時，所浪費的不是只有幾秒鐘的時間而已。 垃圾 blog 會阻塞搜尋引擎，讓您尋找感興趣的主題內容都變得困難。
他們會在網路上盜取其他網站的內容，使用其他人的文章讓自己看起來具有實用的內容。
而如果自動化系統以相當快的速度建立垃圾文章，它就可能影響其他合法使用者所使用服務的速度和品質。

Source from : Blogger 政策 : 關於垃圾 blog

係因為我地寫嘅野太無凌兩可，定係因為wilsons 嘅字重覆太多，所以比Blogger.com 誤以為係「垃圾Blog」？

重光日

上星期冇情情被管理員話我地違反左佢地的守則(咱們都算威水囉, 恕我孤陋寡聞, 人寫blog, 我地寫blog, 居然搞到比人審查, 我諗都算係我地一大經典囉......)多得Wilson 4 去信管理員, 才令此blog 得而重開。

新的一年就搞d 咁嘅嘢, 真係大吉大利, 百無禁忌........

I Love You

近排睇nows某電影台，間中都播某首歌，初時都唔為意(開住tv做其他野)，但越聽越好咪睇下邊嗰??係個失明人士??咪search下乜水??

叫陳偉聯是新加坡第一屆《絕對SuperStar!》的總冠軍，也是亞洲少數當紅的視障歌手之一~~哇~~更曾是新加坡視障協會的保齡球選手~~~勁~~~

聽了幾次，越聽越好忍唔住要同大家分享(^^)，或者你們早已聽過(^3^)
http://www.youtube.com/watch?v=d2SLx5WYep8

復活節假點計架？

Wilson 3说:今年得8月同11月冇紅假咋
Wilson 5说:望下先
Wilson 3说:我都好鍾意睇呢Ｄ
Wilson 5说:咦？
Wilson 5说:ＧＯＯＤ喎
Wilson 3说:上年好幾個月無架
Wilson 5说:唔錯唔錯
Wilson 5说:放完新年
Wilson 5说:嘻嘻～～～三月２１至２４又放
Wilson 5说:ＦＥＥＬ　ＳＯ　ＧＯＯＤ
Wilson 3说:上年多咗3月冇囉
Wilson 3说:其實都唔係好明
Wilson 5说:唔明乜？
Wilson 3说:每年復活節都係4月
Wilson 3说:何解今年响三月既
Wilson 5说:係喎
Wilson 3说:又唔係計農曆
Wilson 5说:正想講又唔係計農曆
Wilson 3说:復活節到底點計呢
Wilson 5说:ＹＥＡＨ～～二三月好多假
Wilson 5说:唔知＞＜
Wilson 5说:呀
Wilson 5说:好似係計耶穌出生唔知點計咁
Wilson 5说:果時有教
Wilson 5说:忙記了
Wilson 5说:基督教應該有講
Wilson 5说:釘死後復活
Wilson 5说:有日子計
Wilson 5说:大約係咁上下
Wilson 3:復活節的計算方法，是於每年三月二十一日後的第一個滿月，再向後推算的第一個星期日即為復活節。
Wilson 5说:嘩～
Wilson 5说:真係每年唔同
Wilson 5说:點解係三月二十一
Wilson 5说:三月二十一釘死嗎？
Wilson 3说:復活節是在每年春分月圓後的第一個禮拜天。
Wilson 5说:咁今年係咪三月廿一第一個滿月係十五即２２
Wilson 5说:所以放２１－２４？
Wilson 3说:應該咁講~~春分多數响每年3月21日
Wilson 5说:係喎上年３月２１春分
Wilson 5说:今年３月２０
Wilson 3说:復活節會在每年春分月圓之後第一個星期日舉行，因為春分之後便開始日長夜短——光明大過黑暗，月圓的時候，不但在日間充滿光明，就連漆黑的夜晚也被光輝（月光）照耀。由此，這正好是耶穌復活——光明戰勝黑暗的寫照。
Wilson 5说:哦
Wilson 5说:明白
Wilson 5说:ＴＫＳ
Wilson 5说:睇番上年對埋今年～就明點計
Wilson 3说:點解會係四日
Wilson 3說:可能關受難同復活呱
Wilson 5说:係咪死果日計
Wilson 5说:三日後復活
Wilson 5说:前後四天?
Wilson 3说:應該係啦

＊＊＊＊＊＊＊＊＊＊＊＊＊＊＊＊＊
就係咁～～～２００８年開工第一個ＴＯＰＩＣ就開始左

開工大吉

各位wilson~~wilson 5報到啦,
祝各位wislon今日開工大吉, 今年事事順利, 永遠美艷（靚都未夠還要艷，幾勁^^）
我昨日都係睇書渡過~~~還有食瞓同食瞓囉

勁寒元旦日

各位wilsons新年快樂，希望各位wilsons 新一年事事如意，開開心心！

好鬼凍呀今日，都唔知凍到幾時，各位wilsons 記住著多件衫～

唔好新年流流病啊！

合皮2008

比Wilson 3 快我一步添, 希望各位Wilsons 在新的一年樣樣都勁勁勁!

在除夕日下午放早的我,買了哈里波特大結局及張敬軒的最新精選碟陪伴我過了2008的第一天。(PS 回家才發現上一集的哈里波特我還沒有看哩!不過依然照睇......呵呵)

元旦日

已經踏入2008年啦！一直想响呢度發表，耐何呢排好多事情發生，搞到冇乜心機寫嘢。正值呢個咁特別o既日子，同今日咁特別（寒冷）o既天氣，又適逢今年有家庭聚會焗住要响屋企倒數，終於的起心肝响度發表我第一篇嘢。

2008年，希望我哋幾個wilsons都身體健康、繼續美麗動人、新一年開始行大運、正財橫財大家都要發財、升職加人工搵份好工人人有份！